Wasiirka Arimaha Dibada Sweden oo Mindi caloosha la daray.

Haweeneyda u ah dalkan Sweden wasiirka Arimaha dibada Anna Lindh, ayaa iyado galabta abaarihii afarta iyo barka saacada Sweden, ka adeeganeysa dukaan ku yaala bartamaha magaalada Stockhom ee caasimada dalkan Sweden, nin mindi caloosha ka geliyey.
Anna Lindh ayaa markii ninka soo wareeray ku qeylisay "Alla Caloosha ayuu Mindi i daray!" islamarkiina waxaa ay ku dhacday dhulka iyadoo uu dhiig badan ka baxay, waxaana si deg deg ah loogu qaaday cisbitaalka Krolinska Sjukhus oo ku yaala magaalada Stockholm halkasoo qaliin deg deg ah caloosha looga sameenayo.

Xoghayaheeda warfaafinta Dan Svanell ayaa sheegay in xaaladeeda ay aad culustahay inta ay la egtahayna uusan sheegi karin, balse ay dhaqaatiirtu sheegi doonaan goor danbe.
Anna Lindh oo ah wasiirka Arimaha dibada Sweden ayaa iminka weli qaliin ku socdaa, dhaqaatiirtana sooma saarin wax war ah, sida ay iminka xaaladeeda tahay.


Ra'iisal wasaaraha Sweden Göran person oo iminka shir jaraa'id qabtay welina ku jira ayaa u sheegay weriyeyaasha in aad ugu xun yahay dhibka soo gaaray wasiirkiisa arimaha dibada "xaaladu waa culustahay waxaana lugu hayaa qaliin" ayuu yiri Göran Person oo wejigiisa ka muuqatay murugo aad u weyn in wasiirkiisa Arimahada Dibada iyadoo dukaan ka adeeganeysa la soo weeraro.

Waxaa kaloo ra'iisal wasaaraha sheegay in weerarkii Anna Lindh loogu geeysay goob ay dadku buuxeen iney tahay mid weerar lugu soo qaday bulshada Sweden aadna ay u taabaneyso arintaasi naxdinta leh.
Nin ku labisnaa dharka askarta madaxana koofi ku watay ayaa soo weeraray wasiirka, waxaana la sheegay in ninka falkaasi geeystay aan gacanta lugu soo dhigin oo islamarkiiba uu baxsaday, lamana yaqaano sababta ninkaasi ninkaasi u soo weeraro wasiirka oo marka shilkaasi dhacayey la socon wax illaalo ah.

Ra'iisal wasaaraha oo iminka shir jaraa'id ku jira ayaa sheegay in wasiirkiisa Arimaha Dibadda aaney heysan ragg illaalo ah taasina sababta ay ku dhacday aanu wax tafaasiil ah ka bixin karin.

Anna Lindh ayaa lugu waday habeenimadan caawa ah iney ka qeyb qaadato barnaamij channel4-ka Sweden soo diyaariyey kaasoo xisbiga ay ka tirsan tahay ee talada haya kaga bixin laheyd arigtideeda ku aadan u codeynta qaashada lacagta bahwadaagta Yurub ee EUro-da.

Ikraam Cali-kaar
Gothenburg, Sweden
ikraam@journalist.com