ISMA-OGA

Isma oga Ismiir iyo ninkii ayro foofsadaye
Isma oga arbaha weerka iyo ariga goosmaaye

Isma oga waraabaha am! liyo awr la laayacaye
Isma oga atoor qadow bartiyo uubta loo qodaye

Isma oga nin urugaysan iyo iilka kii dhigaye
Isma oga dhillida uunsatiyo awga taa'ibiye

Isma oga aqoon xume dhergiyo meleg Arsaa'iile
Isma oga agoon iyo ninkii aabaheed dilaye

Isma oga askari qooqan iyo nimaan afbuux siine
Isma oga abeer qalabliyo inanka doonaaye

Isma oga ugaadh iyo libaax adamiyaystaaye
Waxba gabaygu yuu ila ordine waxaan ku soo ooday

La illow nin aakhiro tegoo iilka hoos maraye

Ismail Mire

Fadlan wixii warar aad heyso ku soo dir

Emailkan hoos ku xusan:

Alfaproduction@yahoo.com