Ma dhab baa in Qaraxyaddii Kal Hore ka dhacay Magaalladda Mombasa laga soo abaabulay Gudaha Dalka Somalia?

Guddiga QM ugu qaabilsan Ilaalinta Cunaqabataynta Hubka ee lagu soo rogay Kooxaha Siyaasadda ee Dalka Somalia, waxay Daraasaad ballaaran ku sameeyeen Hubkii loo adeegsaday Qaraxii Bishii November 28-dii ee sannadkii hore lagu burburiyey Hotel ku yaalay Magaalladda Mombasa ee Dalka Kenya, oo ay ku geeriyoodeen 12-qof oo Kenyaati ah, 3-Isra'iili ah iyo ugu yaraa 2-qof oo ah Naftood-Hurayaal isqarxiyey.

Inkastoo aan si rasmi ahaan loo soo daabicin Daraasadaasi, haddana, Wargeyska The New York Times, ee ka soo baxa dalka Maraykanka, ayaa waxaa maanta lagu soo qoray qyeb ka mid ah Daraasaadda Xogta ee ay soo ururiyeen Guddiga QM ee u qaabilsan Ilaalinta Cuaqabataynta Hubka ee Somalia.

Daraasaadda, waxaa lagu muujiyey inay Kooxdii Argagixisadda ee weerarka ku soo qaaday Hotelka loo dalxiis-tegi jirey ee ku yaallay Magaalladda Mombasa inay doon alwaax ka samaysan ku soo geliyeen Hubka magaalladda Mombasa, iyagoo Hubka ka soo qaaday Gudaha dalka Somalia.

Daraasaadda QM, waxaa lagu muujiyey in Falka Argagixisadda laga soo shaqeynayey in ka badan Hal Sanno, iyadoo dadka Falkaasi geystay muddo dhowr bilood ah qaab Kalluumeysato ah ugu shaqaysanayeen Xeebta Magaalladda Mombasa.

Warbixinta aan ka soo xiganay Waregeyska The New York Times, Cadadkiisa Maanta, ayaa lagu sheegay in Gantaalladda loo adeegsaday Weerarkii Magaalladda Mombasa, oo noocisu ahaa SA-7B, ayaa la hadal hayaa in asal ahaan laga soo qaaday Dalka Yeman.
Xogta ugu muhiimsan ee Asal ahaan meesha uu ka yimid, ayaa loo badinayaa inuu qeyb ka ahaa Shixnad Hub ah oo ay Sannadkii 1998-dii, Dowladda Dalka Ereteria soo siisay Mid ka mid ah Hoggaamiye-Kooxeed Soomaaliyeed oo aan la carabaabin.

Khubaradda soo ururisay Daraasaadda QM, waxay Warbixintooda ku sheegeen Tan iyo markii ay Dowladdii Dhexe ee Dalka Somalia burburtay Sannadkii 1991-kii inay nooc kasta oo Hubka ah la soo gelinayo Dalka Somalia.

Kooxaha loogu yeero Argagixisadda, ayaa la sheegay inay Gudaha Dalka Somalia ka soo iibsadeen Gantaalladda Garabka laga tuuro ee lagula dagaalamo Diyaaradaha iyo Waxyaabaha kale ee Qarxa.

Warbixintan oo aan ka soo minguurinay Wargeyska The New York, waxaa kaloo lagu sheegay inay Daraasaadda QM lagu soo bandhigay inay Kooxda Argagixisadda ee falka qarxinta ka fulisay Magaalladda Mombasa Sannadkii hore, inay Gantaalladdaasi ku soo rarteen Doonyo ka yimid Dalka Somalia bishii Agost ee isla Sannadkaasi,dhowr bilood ka hor markii la fuliyey Hawlgalka lagu burburiyey Hotelka ay lahaayeen Ganacsatadda u dhalatay Dalka Israel.

Warbxiinta, waxaa lagu muujiyey in Gantaalladaasi asal ahaan lagu soo farsameeyey Dalweynihii Midowga Sovieti sannadkii 1978-dii, lagana iibiyey Dalka Yeman Sannadkii 1994-kii.

Daraaasaaddaasi ay soo ururiyeen Guddi ka tirsan QM, waxaa kaloo lagu sheegay Raggii fuliyey Hawlgalka Qaraxaasi inay dhowr bilood ku nagaayeen Magaalladda muqdisho, iyadoo Kharajka ay isticmaali jireen uu u soo dhiibay Maalgeliye u dhashay Dalka Sudan, oo aan la carabaabin.

Dadka loo aaneynayo Falkaasi, waxaa ka mid ahaa nin lagu magacaabo Fazul C/llaahi Maxamed oo u dhashay Jesiiradda Komoros, iyadoo Baarayaasha Maraykanak rumeysan yihiin inuu Ninkan ka dambeeyey Qaraxyaddii Safaaraddaha Maraykanka ku kala lahaa Caasimadaha Dalalka Kenya iyo Tanzania sannadkii 1998-dii, oo ay ku geeriyoodeen dad tiradoodu dhan tahay 231-qof.

Mar ay Daraasaadaasi ka hadlaysay Nidaamka ay isku qeybiyeen Kooxihii geystay Hawlgalka lagu qarxiyey Hotelka Pradise ee Magaalladda Nairobi sannadkii hore.

Sida maanta lagu soo daabacay Wargeyska The New York Times, waxaa lagu sheegay inay 4-kooxood ka qeybgaleen Qaraxii Mombasa.

Khubaradda QM, waxay sheegeen in Kooxda 1-aad si toos ah u abaaareen Hotelka Pradise, halka Kooxda 2-aadna ay u jiheysteen Duleedka Garoonka Diyaaradaha ee Mombasa, iyadoo Kooxda 3-aadna aadeen Jesiiradda Laaamu, oo ku taalla meel ka baxsan Xeebaha Dalka Kenya, si ay u diyaariyeen Doonyihii lagu baxsan lahaa.

Warbixinta, waxaa kaloo lagu muujiyey inay Kooxihii geystay Weeraradda lagu qaaday Hotelka Isra'iiliyiintu ku lahaayeen Magaalladda Mombasa iyo Weerarkii Fashilmay ee Gantaalka lala waayey Diyaaraddii Rakaabka ee Israa'il, ee Xilligaasi ka hinqanaysay Garoonka Diyaaradaha ee Magaalladda Mombasa inay dhammaantooda bishii Nov. 29da dib ugu laabteen Gudaha dalka Somalia.

Warbixinta , waxaa lagu sheegay inay Dowladda dalka Kenya gacanta ku dhigtay tiro ka mid ah Dadkii ka dambeeyey Qaraxyaddii Mombasa ka dhacay Bishii nov. 28dii ee Sannadkii hore.

Xeeldheerayaasha Soomaalida, ayaa ka biyo-diidsan Waxyaabaha lagu soo qoray Warbixinta la xiriirta Daraasaadda QM ee Hawlgalkii lagu qarxiyey
Hoteelkii Ganacsatadda Israel ku lahaayeen Magaalladda Mombasa ee dalka Kenya.

Si kastaba ha ahaatee, ma dhab baa Warbixinta ay isku duween Khubaradda ka socotay QM, ee lagu sheegayo in Gudaha Dalka Somalia laga soo abaabulay Qaraxyaddii cardaaduqaha looga dhigay Hotelkii Pradise, ee ku yaallay Magaalladda Mombasa ee Dalka Kenya?

=Dhammaad=

WQ. Nuradin Abokor Axmed {Diini-Yare}.
SHABELE MEDIA NETWORK

Muqdisho Somalia Shabele Online


Nuradin Abokor Axmed Nuradin Abokor Axmed Nuradin Abokor Axmed

Somaliroots

Alfaproduction@yahoo.com