Clifford Etienne waxa la warey barbaalkii u yeel madashii ay ku feertamayeen

Mike Tyson ayaa ku raaxeystey guul weyn oo uu habeenkii Sabtida ka helay dagaal feer oo ka dhacey magaalda Mephis, ka dib markii uu 49 il-biriqsi gudahood uu dhulka ku warey feerayahanka Clifford Etienne. Tyson waxa uu Etienne la helay gacan midug oo daran, taas oo soo afjartey dagaalkii aan suunka lahayn eev ka dhacay xarunta lagu feertamo ee Pyramid. Etienna markii fiirka lala helay oo uu dhabrka dhulka la helay ma aanu soo toosin ee halkiisa ayuu ku dawakhay iyadoo uu xaakinkii dagaalkan feerka garsoorayey uu uu u tiriyey tita badan oo Etienne uu ka soo kiciwaayey. Marka Etienne dhulka la warayo waxa feerku socdey 49 il-biriqsi oo kaliya, waxa ay feerkaas loogu talagaley in uu socdo 10 wareeg. Guushaas weyn ee Tyson uu Sabtidii helay waxa ay waddada u sii xaartey, in dagaal isku-noqosha ah uu la galo ninka maanta heysta suunka feerka miisaanka culus, Lennox Lewis. Ka dib markii uu diiwaanka galshay feerkii lixaad ee ugu dhkahsaha badnaa ee uu ku bidiyo ayuu Tyson yiri "waxa aan ku faraxsanahay in hawshii ku soo laabtey". Isagoo ka sheekeenaya sidii uu u badiyey ayuu Tyson yiri"waxa aan ku dhiftey gacanta bidix, si aan u banneysto fursad aan midigta ula helo oo gacmayaga ayaan kor u hayey anigoo goobaya meel ka bannaan, waana aan helay." Waxa kale uu yiri Tyson "diyaar uma aan ahayn dagaalkan, laakiin xil iyo waajibaad ayaa i saarnaa. Aniga iyo isaguba lacagta ayaan u baahneyn." Labada feeryahanba il-biriqsiyo kaliya ayeey ku jireen goobta lagu feertamayo markii uu Tyson uu Etienne daanka kala helay feer weyn oo Etienne uu dhulka ku galgashey.