Gabdhii ugu horeysay ee xijaaban oo isa sootaagta Telefeyshinka Sweden.

Naadiya Jabriil

Taariikhda warbaahinta reer galbeedka waxaa markii ugu horey ku soo biirtay gabdh xijaaban oo muuqaalkeeda laga arkay iyadoo ah xirriiriye barnaamij ku baxa afka Swedhish-ka ee telefeyshinka dalka Sweden. Gabdhan oo magaceeda la yiraahdo Naadiya Jabriil ayaa waxey soo gudbisaa barnaamij loogu magac daray ”Mosaik” oo ah barnaamij inta badan ka hadla arrimaha dadka shisheeyaha ah ee ku nool dalkan Sweden. Howshan warfaafineed ee ay Naadiya heyso ayaa timid kadib ay oggolaansho ka heshay maamulka telefeyshinka oo sheegay in dowlada Sweden ay texgeliso dhaqamada iyo diimaha kala duwan dadka shisheeyaha ah ee kunool dalkeeda, islamarkaasina shaqaalaha shisheeyaha ee warbaahinta Sweden ka howlgala aysan kala jecleyn diimaha iyo dhaqamada ay heystaan, sidaa daraadeedna ay Naadiya xaq u leedahay iney ka shaqeyso telefeyshinka. Hase ahaatee go’aankii uu gaaray maamulka telefeyshinka ayaa sheegaya ineysan Naadiya marnaba kamid ahaan karin weriyeyaasha warka aqriya sababo la xirriira xijaabka ay xiran tahay oo aaney dadweynaha raali ka aheyn buuq badana ay hareeyeen.

Si kastaaba arintu ahaatee Naadiya oo asalkeedu yahay Falastiiniyad ayaa aad ugu faraxsan iney noqoto gabadhii ugu horeysay ee xijaaban oo ka dhexmuuqata mid kamid ah teleyshinka reer Galbeedka, islamarkaasina aan cidna ku takoorin dhaqanka iyo diinta ay heysato. Waxaana ay intaasi ku dartay hadalkeeda in dhawaan ay ku rajo weyn tahay iney barnaamij kale oo ka hadlaya cunto karinta ay ka ahaato xirriiriye, tannoo ah bey tiri mid si weyn ugu heli doonaan bulshada Sweden.

Inkastoo dalka Sweden uu kamid yahay dalal dhowr ah oo reer Galbeed ah muslimiin badana ay ku nool yihiin ayaan hadana jirin cadaadis weyn oo lugu hayo gabdhaha muslimiinta ah ee howla guud ee addeegyada bulshada haya sida cisbitaalada, iskoolada, isgaarsiinta, warfaafinta iyo xarumaha ganacsiga. Hadana waxaa jirto meelo aan marna laga jeceleyn dadku iyagu xirran xijaabka islamarkaasina aan si sahal ah ku heli karrin shaqooyinka darruuriga ah.

Muddo aan sidaasi u sii dheereyn waxaa shaqadeedii ku weysay haweeney swedhish ah oo muslintay oo subax arroor ahi inta la soo gashay dharkii xijaabka dunkaankii ay gadeysay oo la oran jiray Lindex halkaana loogu sheegay iney shaqada ka tagto ama ay dhigto dharka ay xirantahay goobtaasina ay kaga soo tagtay haqadeedii ay muddada badan ka shaqeyneysay. Haweeneydan oo saxaafada u warameysay ayaa sheegtay iney socoto dacwadii ay ku oogtay mulkiilihii lahaa dukaanka oo shaqadeedii ugu eryey dharka ay xirneyd awgeed.

Guud ahaan nololsha ay ku nool yihiin dadka muslimiinta Sweden ayaa ah caadi marka la eego sida ay knool yihiin dadka ku nool dalalka jaarka ah, Biljim iyo Faransiiska oo aan iyagu marnaba lugu texgelin diimaha iyo dhaqamda kala duwan ee ay heystaan. Qawaaniinta u degsan dalkan Swedena waxaa uu ogolaanayaa in haweenka xijaabka xiran ay aqoonsigooda dalka ku jooga iyo dhalashaduba uu ku dheganaan karro sawirro uu ka muuqdo xijaabkooda, laakin sharuud looga dhigay ineysan marnaba qarin karin dhagahooda oo ah bey yiraahdeen sharci cusub oo dhawaan ay soo roogeen dalalka ku jira bahwadaagta Yurub.

Ugu danbeyntii Naadiya Jabriil waxey guud ahaan muslimiinta dalka Sweden u soo jiiday magac iyo maamus, iyadoona notay gabdhii ugu horeysay ee taariikhda telefeyshinada reer Galbeedka ka howlgasho gabar xijaaban.

Ikraam Cali-kaar (Somaliroots jornalist)
Gothenburg, Sweden
ikraam@journalist.com

somaliroots

Alfaproduction@yahoo.com