SOMALI HALL OF FAME

Somali hall of fame waa xuruntii Hoyga fanka iyo Suugaanta Soomaaliyeed ee ugu horeeyey ee laga furo North America iyo yurub qaas ahaan magaalada Toronto eee dalka Canada 4 tii bishii maarso 1994kii oo ku beegneyd maalin ciid ah. Waxaana dhidibada u aasay Furitaaanka Dukaankaas Dhalinyaro saaxiibo ah oo kala ah:

Mohamed Deeq Abdulqadir Abokor (Alfa)
Mohamed Osman Malcom iyo
Abdulqadir Ahmed Abokor (agi).

Dhalinyaraaas waxay arken baahida loo qabo Horumarinta Fanka iyo suugaanta soomaaliyeed, ayaa aad waxay ugu dadaaleen iney isku keenaan in ka baddan 1600 Cajaladood oo laga kala soo ururiyey Dalal kala duwan, sida Jaaliyada soomaaliyeed ee ku dhaqan Carabta. 20 maalmood ee ugu horeeyey wuxuu Dukaanka Lahaa Magacyo kala duwan ugu dambeyntiina waxay go aan sadeen in ay u daayaan (Somali hall Of Fame). Hadaba soo if bixii dukaankan dad badan ayaa gacan ka geystay , gaar ahaan waxaa xusid lama ilaawaan ah mudan:

1. Caasha Faarax guure
2. Cabdirisaaq Aadan Gafaaje (Chief)
3. Fanaankii Cabdulqaadir Macalin Jubba
4. Fanaankii Omar yare
5. Promoter Yuusuf sheeko Xariir U.K
6. Designer Yuusuf Shiekh (Lovely)

Dukaankan oo soo maray Heerar kala duwan oo lama Ilaawaan ah waxaa hadda Maamule ka ah Abdulaahi Mohamed (Tusbax) oo isaga noqday Mulkiilihii ugu dambeeyey ee la wareega xilka Fanka iyo suugaanta Soomaliyeed ee Somaali Hall Of Fame sanadka markuu ahaa 2002.

Dukaanka Hall OF Fame wuxuu soo saaray Cajalado badan oo muusik casri ah lagu tumay oo ay ka mid yihiin:

1. Albumka Wadheer ee uu ku luuqeeyo Hobalkii Hassan adan Samatar
2. Albumka Amow Idow ee uu ku luuqeeyo Fanaanki Habib sharabi
3. Albumka Istar ee uu ku luuqeeyo Fanaankii Nuur eebo ( Allaha u naxariistee)
4. Albumka Kuftay ee uu ku luuqeeyo Fanaankii Mohamed Hassan Caruus
5. Albumka Ruun ee uu ku luuqeeyo Fanaankii Abdullaahi Boqol
6. Albumka Beledweyne ee uu ku luuqeeyo Hobalkii Hassan adan Samatar
7. Albumkii Dubey iyo Dalkeena ee ay klu Luuqeeyaan Amina Camari iyo aweys khamis.

Ilaa iyo waqtigan Xaadirka ah ee sanadkan 2003 Dukaanka wuxuu Safka hore kaga jiraa soo-saarista iyo keydinta fanka iyo suugaanta Soomaaliyeed. Somali Hall Of fame waxay albaabka u furtay faniin badan oo qurbaha ku nool oo hadda lagu tilmaamo Xiddigaha cusub ee Fanka Soomaalida oo aad loogu Jecelyahay qurbaha iyo Dalkii Hooyo intaba. Fanaaniintaas oo kolkii hore ku adkeyd in ay soo bandhigaan Fankooda iyo Firadahooda, markii dukaanka la furayna u suurogashay in ay helaan Hoy ay ku soo hirtaan ayna ku soo bandhigaan Fankooda. Soomaali Hall Of Fame hadaad timaado waxaad ku arkeysaa Abwaaniinta Dalkeeni hooyo Kuwoodii ugu caansanaa, Hoblada waaberi, Xiddigaha Cusub ee casriga iyo Dhamaan dadka fanka jecel ee ku nool adduunka intiisa kale oo sanadwaliba booqosho ku yimaada Xurunta Somali Hall Of Fame oo ku taal 2072 Lawrence Avenue East, Toronto, Canada.

Back to Somaliroots.com

This Whole Homepage was created by Alfaproduction If you have any comments, Please send them to Sroots@hotmail.com

Copyright © 2003 Somaliroots.com