CALI-YARE GAANI: Geesigii Sanadka 2003 ee Soomaalida Sweden oo
[Bilad sharaf la gudoonsiiyey]

Geesigii sanadkan Geesigii sanadkan Geesigii sanadkan

Cali-yari Gaani Cali-yare Gaani Cali-yare Gaani Cali-yare Gaani

 

Cali yare Gaani oo ah nin soomaaliyeed islamarkaasina degan gaalada Gothenburg ee dalkan Sweden ayaa kamid noqday geesiyada sanadka ee loo aqoonsaday iney yihiin “Geesiyaasha Sanadka” 2003-da, kadib markii maamulka gobolka iyo Jaamacada Gothenburg ay sidaasi garteen in geesiyaashaasi la abaalmariyo.

Xaflad si heer sare ah loo soo agaasimayey oo lugu qabtay golaha mada daalada ee gobolka toddobaadkan dabayaaqadiisa ayaa Cali-yare waxaa halkaasi lugu gudoonsiiyey bilad sharaf iyo shahaadooyin isagoo weliba loo sheegay inuu yahay geesiga sanadka 2003-da (Hero of the year) da daalkiisii iyo waxqabadkiisii ku aadana bulshada soomaalida ee Gothenburg.

Cali-yare ayaa xafladii abaal marinta aad loogu amaanay dowrkiisi ku aadana wax u qabshada bulshada gaar ahaan soomalida ku nool magaalada Gothenburg ee dalkan Sweden. Markii la gudoonsiiyey abaalmarinta iyo shahaada ayuu qudbad gaaban oo halkaas kasoo jeediyey sheegay inuu aad ugu faraxsanahay howshii cusleyd ee ummada u qabtay iyo sida uga soo baxay tanoo oo Cali-yare ku sheegay iney aheyd mid Illaahey ku garab galay, islamarkaasina ay tahay talaabo ku dayasho mudan oo laga doonayo qofkasta oo ummadiisa wax u qabanayo.

Cali-yare geesiga soomaaliyeed ee sanadkan ayaa la gudoonsiiyey abaalmarin iyo bilad sharaf kamid ah kuwa uga sareysa ee dalkan Sweden laga bixiyo sanad walba haadahan oo kale islamarkaasna ay aheyd markii ugu horeysay ee la gudoonsiiyo qof soomaali ah.

Munaasbadaasi aadka qaaliga u ah ayaa intey soctay waxaa isheydu qabatay gabdho soomaaliyeed oo iyagana joogay goobtii ay xaflada ka dhaceysay kuwaasoo kamid ahaa marti sharaftii kaso qeybgashay xafladaasi islamarkaasina lugu gudoonsiyey abaalmarinada iyo bilad sharaftaba.

Xafladii markii ay dhamaatay ayaan wareysi gaaban oo aan la yeeshay Cali-yare ii sheegay inuu si aad ah ugu faraxsanyahay in da daalkiisi aanu noqon hal bacaad lugu lisay. Sidoo kale mar aan wax ka weydiiyey wax qabadkiisa ayuu ii sheegay in Cali-yare si aad ah dhalinta degan maagalada Gothenburg wax ugu qabtay kuwaasoo uu ku da daalay sidii aanu diintooda iyo dhaqankooda midna ugu tegi laheyn .Gaar ahaan Waxbarashda iyo taakuleynta carruurta soomaaliyeed ee iyagu dalkan martida ku ah.

Dhanka kale Cali-yare ayaa ah siyaasi ka tirsan xisbiga talada dalka haya ee Social Demokrat-ka, waxaana uu sidoo kale uu xubin fir fircoon ka yahay hey’ada carruurta u qaabilsan dalka Sweden ee la yiraahdo Sweden save children.

Cali-yare oo leh magac loogu naaneyso Danjire ayaa weydiiyey sababta loogu bixiyey waxaana isagoo qoslaya oo kaftamaya yiri “Ikraameey dalkeeni safaarad malaha, marka waa inaan buuxshaa booskii safaarada qaban jirtay!”
Ugu danbeyntiina Cali-yare waxaa amaan aan la koobi karin u soo jeediyey maamulka Gobolka Gothenburg oo dowrkiisa waxqabad ku tilmaamay howl ay qaban lahaayeen boqol qofood oo shaqsi keligiis qabtay, waxaana ay ku booriyeen inaanu yareysan howshii geesinimada laheyd ee u qabtay bulshadiisa iyo dadka reer Sweden tanoo bey yiraahdeen iney tahay howl kuyasho mudan.

Waxaa qortay;
Ikraam Cali-kaar
Gothenburg, Sweden
ikraam@journalist.com

 

Somaliroots

Alfaproduction@yahoo.com