Kiplaget “Haddii aan 18-June ku dhawaaqi weyno madaxweyne waxaan caalamka u sheegnay been, waxaanse ka baqayaa in habeenkaas ay naxdin u dhintaan kooxo shirka u moodo dhalanteed”

Kiplaget “Haddii aan 18-June ku dhawaaqi weyno madaxweyne waxaan caalamka u sheegnay been, waxaanse ka baqayaa in habeenkaas ay naxdin u dhintaan kooxo shirka u moodo dhalanteed” Gudoomiyaha guddiga farsamada IGAD Pathweul Kiblaget ayaa markii ugu horeysay shaaca ka qaaday in 18 June 12-ka Habeenimo Soomaliya ay yeelan doonto dowlad federal ah ka dib marka habeenkaas si kama dambeys ah loo caleemo saaro madaxweynaha hogaaminayo Soomaliya. Kibalaget ayaa hadalkaan jeediyay ka dib markii uu shir saacado qaatay la yeeshay ergooyinka Soomaalida oo ay hormoodka ka ahaayeen xubnaha metelayayay ganacsatadda Soomaaliyeed. ergaga Kenya ay u xilsaartay arrimaha Soomaaliya wuxuu sheegay in ay jiraan kooxo carqalad ku ah shirka kuwaas oo uu sheegay in si rasmi ah talaabo looga qaadi doono marka la soo gabagabeeyo shirka haddii aysan shirka uga soo qeybgelin si sharuud la’aan ah, wuxuuna Kiblaget si rasmiya u soo qaatay hogaamiyayaal u soo diray qoraalo ay ku sheeganayaan sharuudo wuxuuna arrintaas uu ka yiri “Waxaan jeclaan lahaa in ay jiifka ka toosaan maxaa yeelay arrimaha Soomaaliya ma ahan maanta xilligii lagu jowrfali jiray ee waxaa hor kaci doonto awood aan aqoonin kooxo si gaara isu mahadiyay” ayuu yiri Kiplaget wuxuuna baaq u jeediyay ganacsatadda oo uu ka codsaday in ay gacan ka geeystaan horumarinta dalkoodda Kiblaget wuxuu si caroleh u yiri “haddii aan 18-June ku dhawaaqi weyno waxaan caalamka u sheegnay been, waxaan se ka baaqayaa in habeenkaas ay naxdin u dhintaan kooxo shirka u moodo dhalanteed, hadalka Kiblaget ayaa u muuqday mid awood dheer tiigsanayo ,wuxuuna ku soo aaday xilli ay shirka ku soo qulqulayaan saraakiil ka socoto dalka Mareykanka oo aan xaqiiq rasmiya laga bixin socdaalkoodda wuxuu quseeyo.